صرخة أم أردنية: "بس بدي حق ولادي إنهم يعيشوا منيح" - فيديو
وجهت أم أردنية تدعى إسراء حسين، نداءً لتأمين دواء ابنها الذي يعاني من مرض الهيموفيليا، مشيرة إلى أن هناك شحا في توفر الدواء منذ أشهر طويلة.
وتاليا نص الرسالة كما نشرتها الأم عبر صفحتها في فيسبوك مرفقة معها مقطع فيديو يوثق حالة ابنها:
ولادي ما انولدوا وعندهم اعاقة حركية! هل معقول اخليهم يمشوا بطريق الاعاقة وعادي اقعد واحكي بسيطة!!.
انا ام بس بدي حق ولادي انهم يعيشوا منيح مثل كل هالناس..
خرقت خصوصية ولادي بس عشان الناس يفهموا شو يعني مريض ينزف بمفاصله ويحتاج دوا ويعطوه بالقطّارة!!!.
هل بنطالب بحياة رفاهية لأولادنا؟!!.
بس بدنا العلاج يكون متوفر دايما!!!.
شحّ العامل التاسع لمرضى الهيموفيليا من شهر 10/2022 ولحد الان وكل مرة بحكولنا اسبوع،، اسبوعين!!!.
حسب البروتوكول العالمي المصابين بالهيموفيليا يتم اعطاءهم من جرعتين لثلاث اسبوعيا حتى يقدروا يعيشوا حياتهم شبه طبيعية وبدون انقطاع ومليون خط تحت بدون انقطاع .. ومابدي اكثر من هيك لولادي!.
بنحاول نطوّر انفسنا عشان نكون اشخاص منتجين ومش مستهلكة ولكن للأسف كل الوسائل الي بتتقدملنا بتحكيلنا بمعنى غير مباشر يا اهالي ضلوا قاعدين ببيوتكم وراكضوا ورا ولادكم وعلاجهم وبكفي انه بنعالجهم ببلاش!!
وما رح ازهق !!
