نائب لمواطن: "والله زودتوها علينا والوطن أكبر مني ومنك"

علّق مواطن على منشور للنائب سليمان أبو يحيى على صفحته في منصة "فيسبوك"، قائلا: "متذكر لما وعدتني تهتم بقضية تشغيل الكفاءات الأردنية وتدعم ملفي وتحكي فيه تحت القبة"، "وما صدقت ولا رح تصدق"، "نحن لا نؤمن بكم مهما حققتم ولن نكون معكم مهما قدمتم".

من جانبه، رد أبو يحيى في تعليق على المنشور قائلا:

"بلاش تأمن في

آمن بالله احسنلك

يا اخي انت بتفكر مجلس النواب عقد ايدي

يا رجل انا كلمتين بحكيهم يفصلو عني المايك ...

شخصيتين هاجمتهم صارو بدهم يحولوني علجنة السلوك ..

ما ضل مسؤول الا وتهاوشت معاه

البلد تعبانه والحكومه فاشله وما بقدر الحق عكل شي

انت ففط تقييمك الي اذا خدمتك او ما خدمتك...

وبناءا على ذلك تحدد اني صادق ام غير صادق ...

الوطن والمصلحة العامه اكبر مني ومنك وكل شخص اله طاقات وحدود ...

ولا تحملني من الامر مالا اطيق ...

والله زودتوها علينا ...

النائب اللي اشترا اصوات مكيف ..

لا بنزل فيديوهات ولا بعمل تعليق ولا بفتح تلفونه ولا حدا ببلش فيه وراح يرجع عالمجلس غصب عن الجميع بمصاريه ..

معقول هيك صارت الحياه ...

كلمة الحق تحت القبه مالهاش قيمه ...

بعين الله بخلص هالمجلس

وراح يخلصو النواب".

وتاليا نص منشور النائب أبو يحيى:

‏"نستذكر في هذه العملية البطولية الصحابي الجليل جعفر بن ابي طالب (جعفر الطيار)

{ مِّنَ ٱلۡمُؤۡمِنِینَ رِجَالࣱ صَدَقُوا۟ مَا عَـٰهَدُوا۟ ٱللَّهَ عَلَیۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن یَنتَظِرُۖ وَمَا بَدَّلُوا۟ تَبۡدِیلࣰا }

ففي غزوه مؤتة قطعت كلتا يديه فمسك الراية بعضديه وبقي يقاتل حتى استشهد ...

واليوم نرى بأم اعيننا كيف لهذا البطل وهو مصاب يطلق النار ويخرج مخزن رصاص ويبدله بالفارغ واشتبك حتى لقي الله شهيدا ...

عدي التميمي".