مستشفى أردني للممرضات: تقصير الجلباب أو الفصل

28/09/2022

أخبارالأردن

استقالت ممرضة من أحد المستشفيات، اليوم الثلاثاء، بسبب معارضة إدارة المستشفى لعملها بجلباب شرعي طويل، وروت قصتهاعبر "فيسبوك" وكانت على النحو التالي: 

أنا الممرضة القانونية أسماء ابو جامع  الحافظة لكتاب الله متخرجه من سنة من الجامعة الاردنية بكالوريوس تمريض بتقدير جيد جدا وحاصلة على دبلوم بالcupping therapy  و شهادة BLS وكتير شهادات علمية وصحية وتطوعية.. 

بعد شهرين دوام بالمستشفى تغيرت مديرة التمريض واول ما اجت اقرت بأنه الجلباب ممنوع واللبس الشرعي يصير للركبة.

طبعا خبرني المسؤول عن الموضوع ورفضت رفض قطعي وبعد كم يوم اجت المديرة الجديدة وشافتني وقالت للمسؤول هاي الي ما رضت تطبق !! 

واجت قعدت تحكي معي وتقلي احنا مش اعداء الدين بس شو فرقت معك هالكم سم  وانت البنت الوحيدة بالمستشفى الي اعترضت وما طبقت من المجلببات؟! وقعدت تسألني هو انت لهاي الدرجة ملتزمة؟

انا لبسي طبي ومراعي لقوانين ضبط العدوى وما فيه اي اشكال.. لا بأذي حد بلبسي ولا بنأذي منه !

طبعا انا مش عارفة مين مفهم البشر انا بنعرفش نتحرك بالجلباب.. والله مستعدين نتسلق جبال ونعمل كلشي بكل راحة بلبسنا، محدش عليه منا ، اذا تعرقلنا محدش يساعدنا ^^ 

وسالتها شو الغرض من التقصير والجواب كان "مشان نوحد الشكل ! يعني الشرعي للركبة "  

 

المهم المديرة ما عجبها ردي وقالت معك لآخر الشهر فكري  
والمسؤول قلي فكري مش حابين نخسرك انت من اشطر البنات وأأدبهم.. 

تاني يوم رديت خبر للمسؤول انا معنديش استعداد اقصر سم واحد وبدي أقابل مدير المستشفى اتكلم معه وضله اسبوع ياجل فيني واخر اشي كلمت المسؤول قلي مفش مجال وهاد اخر قرار انت فكري و كرر احنا مش حابين نخسرك انت من اشطر البنات واادبهم... 

طبعا انا بالمقابلة اول اشي حكيته للمسؤولة وقتها عن لباسي انه طويل وكان ما في اي مشكلة . 

المهم ، انا تركت الشغل والحمدلله (المبادئ لا تتجزأ والثوابت لا تتغير والقيم لا تباع ولا تشترى والعوض والرزق مكتوب ومعلوم عند رب العالمين) 

ما رح اسامح اي حد استهزأ بلباس الجلباب وقلل من قيمته بقلوبنا والتعب النفسي الي حطوني فيه وما في اشي بعوضني ، وعند رب العالمين لقائنا لانه هاد زي الصلاة فرض علينا مش تجميلي ولا سنة اضافية . واكيد كل محاربتي مشان المبدأ وحاولت اوصل رسالتي لكل حد

اللهم اجعلنا من اهل الأثر الطيب الممتد وارضى عنا وارضينا يا رحيم♡

ولباس التقوى ذالك خير ?!!


X