حذر الدكتور محمد الفواعير، الأردنيين، من أسلوبين جديدين للنصب والاحتيال بهدف الحصول على المال بطريقة غير شرعية.

وكتب الدكتور الفواعير عبر فيسبوك:

تعرفوا شو آخر طريقة نصب جديدة صايرة في البلد..

انا حاجزة مزرعة بـ120 دينارا وصار عندي ظروف وما راح اقدر اروح.. بدي ابيع الحجز بـ50 دينارا لانه مارح اروح وراح يروح علي الي دفعته

وهيك الناس عندنا بصيبهم هوس وبدهم هاي المزرعة لانه السعر ببلااااش !!!

وبعد ما يتواصلوا مع النصاب كيف الدفع بحكيلهم ابعثوا على المحفظة وبتروح يوم كذا بعد اسبوع ع مزرعة كذا

هون بتم النصبة.. بطلع لا فيه حجز ولا فيه مزرعة بهذاك اليوم.. وبتروح بكيس الي بعث المصاري وصاحبة المحفظة تعمل حظر على الفيس وتلغي الحساب.. وتعمل حساب جديد وسلامتكم.

عملية النصب الثاني من خلال وظائف وهمية والناس تبعث صورة هوية، وهون بصير النصب.

ما حدا يبعث صورة هويته لاي موقع توظيف.. لانه فيه ناس صاروا يسرقوا الصور ويوخذوا قروض وخطوط وغيره من خلال الوظائف الوهمية.