في موضوع الضمان والسندات
جواد عباسي
الوضع بسيط
الضمان التزاماته رواتب بالدينار
والحكومة مدينة اله بالدينار عبر سندات خزينة..
بالمناسبة كل البنوك التجارية تشتري سندات حكومية دوريا.
هذه بلا مخاطرة لان مطبعة الدينار عند البنك المركزي
فلا تخافوا من عدم السداد
خافوا من انخفاض الدينار او التضخم
يعني الوضع مش كثير ممتاز لكن مش لانه الضمان مستثمر بسندات حكومية
والي مش عاجبيته السندات.. شو البديل لفايض تاميني للضمان شي نص مليار دينار سنويا؟
اراضي؟
يشتروا اراضي كل واحد واصل مش عارف يفرز مع قرايبه؟
ولا استثمارات بشركات ويعينوا وسايط؟
ولا سوق مالي ورشاوي ولعب بالاسهم؟
براي السندات افضل من غيرها لغاية 60% من محفظة الضمان
هي اقل احتمال فساد
و تاريخيا على المدى البعيد.. افضل عايد
و معروفة تواريخ الاستحقاق وبالتالي اسهل للتخطيط.
وكل صناديق التقاعد عالميا نسبة السندات فيها عالية.. ممارسة فضلى
لو نفكر بنقطة ثانية.
الضمان يشتري كل مقرات السفارات الأردنية المستأجرة حاليا.. والحكومة تلتزم بسداد إيجار هذه السفارات بالعملة الصعبة للضمان.
هيك الضمان عنده مستأجر مؤكد..
و تنويع الاستثمار بعقارات بمدن عالمية
ودخل سنوي بعملات صعبة بدل ما الخزينة تدفع للغريب!