وقال في منشور له عبر منصة فيسبوك:" "وجع صغير صابني بجسمي وانا في بداية السنة الرابعة من دراستي لتخصص المحاسبة، طلعت مصاب بضمور في الكلى، كان أصعب إشي عليّ إني أخبر أهلي، كان عندي امتحانات (ميد) وما قدرت أدرس، ورحت على عيادة عنا بمنطقة طبربور وحكالي لازم تتحول على مستشفى ضروري و من هذاك الوقت لهسا و انا أغلب وقتي بالمستشفى و تعب و نوم و الحمد لله

بعد امتحانات (الميد)  أسقطت الفصل من شدة الألم، وتبين انه لازم أغسل كلى،  و انه الكلى عندي مش شغالات ولازم أغسلهم، عشان ما يصير تسمم بالدم ولا سمح الله يؤدي للوفاة

اليوم! إمي إلي ما ببدلها بذهب الدنيا كله، تبرعتلي بكلية من كلاها، ونجحت العملية بفضل الله، ما عندي شي أحكي غير إني بكيت! أمي الحنونة وصاحبة القلب الطيب، أهدتني جزء منها، الله يخليلي ياك يا إمي ويجمعني فيك في الجنة .