دعت إحدى المعلمات، عبر حسابها في موقع فيسبوك، أولياء الأمور، إلى مراعاة فروق الأوضاع المادية للأهالي، وعدم إرسال أغذية مع الطلبة إلى المدارس لا تتوفر مع الآخرين.

وتاليا ما كتيته المعلمة:

"أنا كنت أشوف طلاب بجيبوا معهم لانش بوكس أنا الكبيرة بشتهي اللي فيه، كيف الطفل اللي جالس جنب ابنك.

بالله عليكِ خلي لانش بوكس ابنك متواضع كلهم 5 ساعات اللي بغيب فيهم سندويشة بسيطة وعلبة عصير بتكفي.

ما في داعي للفواكه والخضار اللي مش كل الطلاب أهاليهم بقدروا يشترولهم.

ابنك بس يرجع من المدرسة طعميه كل شي بتتمنيه.

لا تزرعي الحسرة والقهر في قلب طفل كل ذنبه إنه أهله فقراء وطلع بصف ابنك.

تربينا ع سندويشة الزعتر اللي بالكيس الشفاف ويا محلى أيامنا وطلعنا ما شاء الله علينا لا صابنا فقر دم ولا موتنا من الجوع.

لأني معلمة وبشوف عيون الطلاب كلهم على لانش بوكس طلاب معينين بنقهر على طلابي من كل أم ما بتحس إلا بإبنها.

قبل ما يطلع من عندك أو بس يرجعلك طعميه الفراولة والمانجا والموز والكيوي والبرغر والتوست والنوتيلا لأنه في طلاب بس بشوفوهم بلانش ابنك ما بشوفهم بثلاجة بيتهم".