ما تزال قضية صاحب مطعم سهول سحاب تتفاعل على نطاق واسع في أوساط الأردنيين، بعد أن وجهت ابنته مناشدة مؤثرة عبر فيسبوك لإنقاذ مطعم والدها.

وقال أبو عبدالله صاحب المطعم والدموع في عينيه، بعد الانتشار الكبير لمناشدة ابنته وتفاعل الأردنيين معها، الشكر للجميع، إنه يعمل في مجال الشاورما منذ 20 عاما، وسافر إلى عدة دول خليجية للعمل هناك، قبل أن يقرر افتتاح مطعمه في الأردن.

وأضاف أنه كان تلقى اتصالا من ابنته أثناء تواجده في المطعم لسؤاله عن العمل، حيث أجابها أنه "لم يستفتح بعد"، لتقوم إثر ذلك بنشر مناشدتها لمساعدته في جلب الزبائن.

ووجه أبو عبدالله، رسالة شكر للأردنيين، قائلا "جميلكم على راسي والله يقدرني على رد جميلكم".

وكانت منصات التواصل الاجتماعي شهدت "فزعة" من بعض المشاهير وحالة فريدة من التعاطف الشعبي مع فتاة بعد منشور لها عبر فيسبوك استنجدت لإنقاذ مصدر دخل والدها الوحيد.

وتصدر هاشتاغ #مطعمسهولسحاب الترند الأردني خلال ساعات، ونشر المغردون آلاف التغريدات للتضامن مع الفتاة، في مشهد أظهر تكاتف الأردنيين وتماسك نسيجه المجتمعي.

في البداية كتبت الفتاة النص التالي عبر فيسبوك: 

"مرحبا يا جماعة

والله بكتب ودموعي على خدي، اليوم حكيت مع بابا وكان صوته كتير تعبان واخر اشي صار يبكي، امانه ساعدوني بطلب صغير

بابا فتح محل شاورما ب سحاب واله تلات ايام ما بروح ع البيت وحاط كل تعبه بالمحل بس المحل ما بجيب شغل منيح وهوه كتير زعلان حكا لليوم معي وكان بعيط بحكيلي لسا ما بعت اشي

بابا اله بشتغل بالشاورما من 2003 الحمد لله دايما للكل بمدح بالخلطه والشاورما تاعته بس عشانه كبر بالعمر ما حد رضى يشغله عنده وهوه الوحيد يلي بنستند عليه بعد ربنا الحمد لله وقرر يفتح محل اله شاورما لانه ما حد بعرف المحل وجديد بابا مش قاعد ببيع منيح

مع انه أسعاره ابدا مش غاليه وكتير منيحه وهوه ما يقصر مع أي حد بيجي عنده لو ع حسابه الشخصي المهم عنده السمعه بشغله تضل نضيفه

اجيت بدي اعمله اعلان كتير بوخذوا غالي ما معي حق اعلان

ف حكيت هاد اخر حل اني انزل بوست عشان تساعدوني أسألكم بالله ساعدونا بابا هاي رزقته الوحيده اقسم بالله ما دخل من اول الشهر ع دارنا دينار والحمد لله بنحكي ان شاء الله خير

ساعدوني أسألكم بالله يلي قريب من سحاب

اسم محله سهول سحاب قرب دوار البلديه

الأسعار العادي ب 1,75 السوبر 2,30 والدبل 3,00 والتربل 4,00

صدقوني رح تحبوا الشاورما منه كتير

ادمن اقلبي الله يرضى عليكم قبل لا يخلص اليوم وبابا يخسر الشغل".

وبعد ساعات نشر المطعم عبر حسابه في فيسبوك النص التالي:

،مبدئياً شكراً لكل شخص وصل البيج هاد خلال ساعتين لهاد العدد اقسم بالله مش متخيلين كمية الفرحه اللي فرحتوني اياها

ما شاء الله كمية المسجات اللهم لك الحمد  الحمدالله دائماً وابداً اللهم زد وبارك شكراً لكل شخص ساهم برفع البوست

شكراً لكل شخص نشر البيج شكراً لكل شخص عمل منشن شكراً لكل شخص علق تعليق حلو +  شكراً لكل شخص شارك المنشور وقفتكم م بتنتسى والله 

شكراً كثير والله لو بقعد من هون ل سنين ل قدام اتشكر فيكم م بوفيكم 

الحمدلله حتى يبلغ الحمد منتهاه، الله يفرحكم ويسعدكم والله الدنيا لسا بخير".