رثى اللاعب مصطفى أبو غنمي العبادي شقيقه الشهيد الرائد الطيار بهاء محمد أبو غنمي بكلمات مؤثرة.

وكتب أبو غنمي في منشور عبر صفحته على منصة "فيسبوك": "لو يطلع حلم

قبل بيوم تعشيت عندك وصورتك وبعثتها لامي واشي خلاني اجيك واشوفك ما كنت بعرف انه جاي اودعك واصورك صورة الوداع

حكيتلي بدي اسوق سيارتك وطلعنا وجبتلنا بروستد

الك 6 شهور بالدوره ودراستك ليل نهار حتى لما اجيتك ضليت تدرس وحكيتلي انك اول الدفعه والاسبوع هاذ تخريجك ليش تكذب علي ويطلع اسبوع موتك لساتك ما شفت الدنيا ما شبعنا منك

طيب بنتك شذى ايش احكيلها

احكيلها انك يا عمو صرتي يتيمه ?? وابوكي ما رح ترجعي تضميه

امي كيف بدها ما تسمع صوتك وتشوفك

خواتك مرتك اخوانك ابوك صحابك شو نحكيلهم

بعرف انك محبوب ودليل جنازتك لما الي برى الجامع ما لقى مكان يصلي لما كل صحابك والي بحبوك اجوك كل ما اطلع بوجه واحد بشوفك

اخ يحبيب قلبي ورفيق الغرفه

كسرتني???".

وكانت القيادة العامة للقوات المسلحة الأردنية - الجيش العربي، قد شيعت الأحد، جثمان الشهيد الرائد الطيار بهاء محمد مصطفى أبو غنمي إلى مثواه الأخير بعد الصلاة عليه في مسجد المرحوم عبد الرحيم يوسف مهيار في مدينة السلط، والذي استشهد صباح الأحد أثناء جولة تدريبية، بحضور مندوب القيادة العامة للقوات المسلحة الأردنية – الجيش العربي المساعد للعمليات والتدريب العميد الركن عبدالله شديفات.

وجرت للشهيد مراسم عسكرية نقل خلالها إلى مثواه الأخير مكللاً بالعلم الأردني محمولاً على أكتاف رفاق السلاح، إذ ووري الثرى في مقبرة أم خروبة، وقام مندوب القيادة العامة للقوات المسلحة بوضع إكليل من الزهور على ضريح الشهيد.

وشارك في التشييع عدد من كبار ضباط القوات المسلحة والأجهزة الأمنية، وعدد من المتقاعدين والمسؤولين المدنيين والمواطنين في السلط.

ونعت القيادة العامة للقوات المسلحة الشهيد، سائلة الله- عز وجل- أن يتغمده بواسع رحمته ومغفرته، ويلهم أهله وذويه ورفاق السلاح الصبر والسلوان، وحسن العزاء.