شكت مواطنة عربية غاضبة من تسلط سائق تكسي عليها في الأردن، بعد زيارتها إلى عمان.

وتاليا نص منشورها:

 "انا حابة احكي موقف صار معي اليوم ...كنت بمنطقة الرابية ...وقفت تاكسي يوصلني على مكان قريب عالسيتي مول ....وقبل لا اركب قلتلله بدي اطلع معك  عالعدداد ....قاللي موافق بس بدي ازيد عليكي فوق اجرة العداد نصف دينار ...قلتلله موافقه...بس ركبت .سألني اي طريق بدك اوديكي عالمكان ...قلتلله انت ادري انا ما بعرف  اي طريق اسهل واقرب لاني انا جاية زيارة عندكم انا من فلسطين ....حسيت سؤاله بده يعرف اذا انا من البلد والا لا ...هاد الشي عرفته بعد ما دفعتلله ...حسيت طول المسافه والعداد كان شغال ...ولما وصلنا  العداد كان قراءته دينارين ونصف ...قلتلله تفضل تلات دنانير حسب اتفاقنا ....قاللي اصلا انا مو ماشي عالعداد ولا مشغله ...قلتلله لا انت ماشي عالعداد وانا شايفه اصلا ...قاللي بدي اجره خمس دنانير ....انا والله قلبيا زعلت ...والله مو عالفلوس ....عالاسلوب ...وانه بده يخجلني ....قلتلله انا متفقه معك قبل لا اركب انه توصلني عالعداد وزياده نصف دينار  فوق القراءة زي ما انت طلبت ....قاللي يا خمسه يا بلا مصاري .....اعطيته الخمس دنانير بس مو مسامحته ....اتقي  الله يا شوفير ..اهل فلسطين  والا اي انسان عابر سبيل ما بستاهل منك  هيك اسلوب منك..انت ما بتعرف ظروف الناس ....ما بعمم  لانه الخير في امتي ليوم الدين ..بس زعلت من اسلوبه".