fbpx

800 دينار تكلفة السجين شهريا.. الناس تسخر وتستهجن

أخبار الأردن

قبل أيام، كشف مساعد مدير مديرية الأمن العام، العميد الدكتور معتصم أبو شتال، أن تكلفة السجين الشهرية في السجون الأردنية، تبلغ نحو 800 دينار أردني، وذلك خلال مناقشة اللجنة المالية النيابية لميزانية وزارة الداخلية.

لم يمر الرقم، أي الـ800 دينار، مرور الكرام، إذ تفاعل الأردنيون على نحو واسع عبر منصات التواصل، مع ما قاله أبو شتال، حيث ذهب كثير إلى استهجان وعدم تصديق تلك التكلفة والتشكيك بدقتها، فيما انشغل آخرون بابتكار تعليقات ساخرة.
وبحسب تصريحات أمنية سابقة، فإن من ضمن الكلف المباشرة للسجين، الطعام والشراب، الملابس، الرعاية الصحية، والتعليمية، وسائل الترفيه، التدفئة، الكهرباء، الأثاث، برامج مهنية تشغيلية، وبرامج ثقافية متعددة.

أما الكلف المالية غير المباشرة، فتشمل “الحراسة، النقل، موارد بشرية من المرتبات، مساعدات من صندوق المعونة الوطنية لعائلات بعض النزلاء، إضافة الى أعمال المحاكم المتعلقة بالنزلاء”.

ورصد “أخبار الأردن”، عددا من التعليقات، وينشرها تاليا كما هي:

“اذا كلامك صحيح انسجن انا وولادي احسن”.
“طيب لو تدفعهون عنه منه بستدو ديونه ومنه برجع الحق لأصحابه ومنه بتفضوا السجون من المساجين”.
“اعملوا تاهيل حقيقي للسجناء المتعسرين بفترة قصيرة بمهنه محترمة واعطوه ٤٠٠ بالشهر بصير بني ادم محترم وبتوفروا ٤٠٠ دينار بدل ما يرجع بجريمة اكبر”.
“معناته احنا المسجونين مش همه . مسجونين بهم أجور البيت وبنزين السيارة واقساط المدارس ومصروف البيت وإن ولد ولا بنت مرض وبده دكتور ووووووووو…….. والله احنا الي طلعنا مسجونين تحت شعار الإنسان اغلى ما نملك”.
“في هذه المعادله الافراج عن معظم الغارمات ودفع ديونهم اوفر على الحكومه من حبسهم”.
“احسن الاشي الواحد ينحبس ماكل شارب نايم ببلاش وكلو من أحسنو”.
“احجزولي غرفه ومعي ولد وبنت لو سمحتم أهم شي أمنولنا نت وتلفونات عشان الصغار يدرسَو عن بعد والي كمان عشان احل الهم امتحاناتهم والله مصاريكم محزره”.
“ههههه ليش ياخوي بياكلو كباب وبيلبسو ماركات لا مابصدق هاد المبلغ اعلى من رواتبنا وبيفتح احسن بيت”
“لو هيك كل الشعب بينسجن”
“تخيل انتا بقى لما يكون السجين اللي بكلف الدولة شهريا 800 دينار محبوس على كمبيالة 250 دينار تأمل فقط”
“وشهد شاهد من أهله …الحد الادنى للأجور 260 للانسان الحر والسجين الي لا بروح ولا بيجي ولا عليه واجبات والتزامات بكلف الحكومة 800 دينار شايفين يا حكومة صحصحو معنا”

اخبار ذات صلة

زر الذهاب إلى الأعلى