fbpx

رسالة نارية من مصور للدغمي

أخبار الأردن

وجّه المصور أمير خليفة، اليوم الجمعة، رسالة لرئيس مجلس النواب، عبد الكريم الدغمي، انتقد فيها سياسة المجلس الجديدة ومنع تصوير الأوراق تحت القبة.

وأشار خليفة في منشور عبر صفحته على منصة “فيسبوك”، إلى أنه وخلال فترة إجراء انتخابات المجلس الأخيرة قبل بضعة أيام، استُدعي لأحد المكاتب برفقة 3 مصورين آخرين، لإخبارهم بأن “عهد الدلال والتصوير براحة راح”.

وأضاف، أنه عرف حينها أن المرحلة المقبلة غير مُبشرة بالخير إطلاقا، وأن عهد التصوير وكشف ما تحت القبة سيكون مُغيبًا.

وطالب خليفة الدغمي بإعادة الهيئة لمُصوّري المجلس قبل “هيكلة النواب والقرارات”، قائلا، “بتشكرك ع انك منعت تصوير الورق لانه حريتنا سقفا تصوير دخول النواب ع القاعه”.

وتاليا نص المنشور بالكامل:

“قرات تصريح الدغمي بخصوص تصوير اوراق النواب

بتذكر قبل فتره والفيديو موجود عندي وقت طالب الدغمي من رئيس مجلس النواب العودات طرد المصوريين عشان وقتها صورة ورقة باعتها ل احد النواب

وقت انتخابات مجلس النواب قبل ايام نطلبت ل احد المكاتب برفقة 3 مصورين دون ذكر الاسماء وكل واحد ع حدا

الكلمه يلي سمعناها كانت انه عهد الدلال وتصوير براحة راح

وقتها عرفت اشي واحد انه المرحله القادمه غير مبشره بالخير ابدا وانه عهد التصوير وكشف ما تحت القبه سيكون مغيب

بس عندي طلب من سعادة رئيس مجلس النواب

قبل ل تمنعني

امنع يلي بدخل المجلس ل يتسلى

امنع يلي بدخل يصور ل يبيع الصور ل النواب

امنع الموقع يلي ببعت مصوره ل مصالح شخصيه

ليه تمنعني انا ؟؟؟

سعادتك بدي اقلك اشي وبعرف هيتصور البوست ويوصلك

سعادتك انا مصور من 11 سنه وقت يدخل ع المجلس مصورين من جديد ويوقفوا ع الشرفه ويمد ايده عشان يصور ورقه والنائب يشوفه النائب بعصب وما بقول مصور شكله كذا

بطلعوا علينا وعددنا 4 مصورين او 5 وببدا تسميع الحكي

قبل ل تعيد هيكلة النواب والقرارات بس بتمنى تعيد الهيبه ل مصورين المجلس وانه مش كل واحد معه كاميرا بنزل وبيصور

سعادتك الشرفه يلي حاطينا فيها شوي ورح نوقع لانه ما في ترتيب ابدا

سعادتك بتشكرك ع انك منعت تصوير الورق لانه حريتنا سقفا تصوير دخول النواب ع القاعه”.

اخبار ذات صلة

زر الذهاب إلى الأعلى